Herritarrek gizartean eta politika publikoetan eragin dezaten prozesuak laguntzen ditugu. Izan ere, partaidetza ez da soilik herritarrei galdetzea; elkarrekin hausnartzea, lehentasunak identifikatzea, adostea eta elkarlanean ekitea ere bada.

Herritarren parte-hartzea ezinbestekoa da erronka ekosozialei erantzuteko, komunitatea indartzeko eta ahalduntzeko, eta gure bizitzak duintzeko. Horretarako, parte hartzeko baldintza egokiak sortzea ezinbestekoa da. Farapin herritarrekin saioak dinamizatzen ditugu, aniztasuna bermatzeko ahaleginak egiten ditugu eta hitz egiteko espazio seguru eta ahalduntzaileak sortzen ditugu.

Administrazio publikoek barne mailan zein herritar eta kolektiboei begira, elkarrizketarako eta gobernantzarako eredu berriak sortzeko erronka dute. Tokian tokiko errealitateak kontuan hartuz, ko-sorkuntzan oinarritutako prozesuak bideratzen ditugu, helburu partekatuei elkarrekin erantzuteko.

Partaidetzak aukera amaigabeak ematen dizkigu, edozein eremutan txertatu daitekeelako. Izan ere, lanaren edukian baino, egiteko moduan jartzen du fokua. Farapin oso prozesu anitzetan aritu gara partaidetza ahalbidetzen: haur eta nerabeek haien auzoetan eragitetik, lurralde mailako politika publikoak modu partehartzailean diseinatzeraino.

Hona hemen Farapin bidelaguntzen ditugun partaidetza prozesuetako batzuk:

• Herritarren partaidetza prozesuen diseinu eta garapena.
• Ikerketa Ekintza Parte-Hartzailea.
• Haur eta nerabeen partaidetza prozesuak eta egituren diseinuak.
• Herritar eta erakundeen arteko elkarlanerako eredu berriak.
• Partaidetza sustatzeko teknika sortzaile eta bisualen
• Erronka eko-sozialen aurrean komunitatea indartu eta ahalduntzeko prozesuen bidelaguntza.
• Gai zehatzen inguruan partaidetza sustatzeko prozesuak: partaidetzazko aurrekontuak, hirigintza, eta abar.