Otsailaren 26an Bilboko Ekonopoloan izango gara, barne araudi feministen inguruan hitz egiteko:
- Otsailak 26, asteazkena
- 10.30 – 13.30
- EKONOPOLOan, 1. aretoa (Harrobi plaza 4, 1. solairua)
Dakizuenez, Farapin urteak daramatzagu lan-eredu bizigarri eta bideragarri bat eraikitzen. Beraz, saio honetan zera landuko dugu:
- Nondik heldu zaigu kooperatibetan ikuspegi feminista txertatzeko beharra.
- Nola egin ditugu prozesu hauek eta ze emaitza lortu ditugu.
- Erronka honen argi-ilunak zeintzuk diren.
- Farapiren esperientzia praktikoa prozesu honetan eta landu ditugun tresna praktikoak gure proiektu ekonomikoa bizigarria izan dadin.
REASEuskadiren egoitzan ikusiko dugu elkar! Informazio guztia eta izen-ematea esteka honetan.
“Denera iritsi ezinaren aurrean, lan-politika feminista”
Ba al zenekien? Lan-politika feministak definitzeko gakoei buruzko argitalpena egin dute Colectiva XXK-k, Mugarik Gabek, Euskadiko GGKEen Koordinakundeak, REAS Euskadik eta SETEM Hego Haizeak.
Dokumentu horretan, 10 printzipio eta 20 akordio identifikatu dituzte, guztion bizitza erdigunean jarriko duen lan-politika definitzeko.
Ohorea izan da Farapiren barne-antolaketa partekatzea eta argitalpenaren edukia elikatzen laguntzea. Praktika teoria bilakatu daitekeela erakusten duen adibide bikaina da dokumentu hau.