LABURREAN:
Proiektuaren izena: Donostiako Ekialdeko Barrutian eraso matxisten aurrean erantzun publikoa artikulatzeko prozesua
Norekin elkarlanean: Donostiako Udaleko Berdintasun Saila (Ekialdeko Barrutiko Lan-Taldea)
Proiektuaren urtea: 2023 – Gaur egun
Ekialdeko Barrutiko emakume elkarteek eta Berdintasunerako lan-taldeak identifikatutako beharrari erantzunez, Barrutian ematen diren eraso matxisten aurrean erantzun publikoa artikulatzeko prozesua izan da honakoa.
Honetarako, elkar-ezagutza eta oinarri komunak adostea ezinbestekoa izan da: zertaz ari gara indarkeriez ari garenean, nolakoa izan behar da lehen arreta, zer hartu kontuan, ze baliabide existitzen dira indarkeriari aurre egiteko… Behin oinarriak adostuta, eraso baten aurrean taldea nola artikulatuko den adostu da: protokoloa sortu da, alegia.
Protokoloa dokumentu bizia da. Hau da, aktibazio osteko balorazioa eta etengabeko egokitzapenari esker, ikasketa prozesua indartzea da helburua, behar berriei erantzuteko gaitasuna izango duen prozedura dela ziurtatzeko.